Ka dib codsiyo ay ka heleen waalidiinta qaba caruurta aan waxba maqli karin, sidoo kale waalidiinta ayaa u sheegay hay'adda gargaarka ee Yaasmin in ay jiraan caruur badan oo agoon ah oo waalidkood ay ka geeriyoodeen oo aan awoodin in ay wax ka bartaan iskuulada maadaama aysan bixin karin lacagta iskuulka, waxay go’aan ku gaaray Hay’adda gargaarka ee Yasmiin inay furto Iskuul cusub oo wax lagu baro carruurta aan wax maqali karin iyo agoonta ah oo laga furay degmada Kaaraan ee magaalada Muqdisho. Dugsiga ayaa la furay Noofambar 2021. Carruurtu waxay wax ku baran doonaan lacag la'aan, mu'asasadu waxay bixin doontaa mushaharka macallimiinta iyo agabka dugsiga ee carruurta. Xafladdii furitaanka ayaa qaar ka mid ah waalidiintii iyo ardaydii ka soo qeybgashay xafladda uga mahadceliyey Danjire Maxamed Cali Nuur (Ameeriko) oo ah aasaasaha iyo Agaasimaha Sare ee Hay’adda Yaasmiin, furitaanka dugsigan oo laga hirgeliyay degmada Kaaraan, isla markaana ay carruurta siiyeen waxbarasho lacag la’aan ah.